Bakı, 18 oktyabr (AZƏRTAC). Yunanıstanın Rodos adasında şahmat üzrə Avropa Kuboku yarışlarına keçiriləcəkdir.

AZƏRTAC xəbər verir ki, yarışda Azərbaycanı “SOCAR-Azerbaijan” və “Odlar Yurdu” şahmat klubları təmsil edəcəklər.

Kapitan Vladimir Tukmakovun rəhbərliyi altında “SOCAR-Azerbaijan” klubunun heyətində şahmatçılar Fabiano Karuana, Aniş Giri, Qata Kamski, Van Xao, Veselin Topalov, Teymur Rəcəbov, Şəhriyar Məmmədyarov və Eltac Səfərli yer almışlar.

Oynayan kapitan Emil Sutovskinin rəhbərliyi altında “Odlar Yurdu”klubunun heyətində isə Rauf Məmmədov, Qədir Hüseynov, Nicat Məmmədov, Vasif Durarbeyli, Vüqar Rasulov, Nicat Mammadov və Zaur Məmmədov oynayacaqdır.

Oktyabrın 19-da kapitanların yarış ərəfəsində ənənəvi toplantısı olacaqdır.

Turnirin açılış mərasimi və ilk tur oktyabrın 20-də keçiriləcəkdir.

Qeyd edək ki, yarışın reytinq favoriti “SOCAR-Azerbaijan” komandasıdır. “Odlar Yurdu” isə səkkizinci pillədədir.