Bakı, 17 oktyabr (AZƏRTAC). Rumıniyanın Buxarest şəhərində şahmat üzrə “Kings” beynəlxalq turniri başa çatmışdır.

AZƏRTAC xəbər verir ki, turnirin son turunda azərbaycanlı qrossmeyster Teymur Rəcəbov Fabiano Karuana (İtaliya) ilə qarşılaşmışdır. Heç-heçə ilə nəticələnmiş oyun rəqibinin çempion, şahmatçımızın isə dördüncü olması ilə nəticələnmişdir.

Belə ki, son turda aktivinə daha 0,5 xal əlavə edən F.Karuana beş xalla əlçatmaz olmuşdur. İkinci yeri Vanq Hao (Çin, 4,5 xal), üçüncü pilləni Liviu-Diter Nisipyanu (Rumıniya) tutmuşdur. Hesabında 3,5 xalla dördüncü olan T.Rəcəbov isə yalnız Ruslan Ponomaryovu (Ukrayna, 3) qabaqlamışdır.