ŞAİR-BƏSTƏKAR XANIM İSMAYILQIZININ YARADICILIQ GECƏSİ KEÇİRİLMİŞDİR
AZƏRTAC xəbər verir ki, mayın 27-də Bakıdakı 190 nömrəli məktəbdə bu təhsil ocağının məzunu, respublikanın tanınmış şair-bəstəkarı Xanım İsmayılqızının yaradıcılıq gecəsi keçirilmişdir.
Məktəbin direktoru Afət Bakıxanova və başqaları çıxış edərək bəstəkar xanımın yaradıcılığından geniş söhbət açmışlar.
Tədbirdə bildirilmişdir ki, Xanım İsmayılqızı gözəl bir bəstəkar olmaqla yanaşı, eyni zamanda, əsl Azərbaycan qadınıdır.
Məktəbin şagirdləri şair-bəstəkarın şeirlərini söyləmiş, “Xan” qrupunun ifasında onun bəstələdiyi mahnılar səslənmişdir.
X.İsmayılqızı gecənin təşkilatçılarına minnətdarlığını bildirmiş, şagirdləri maraqlandıran sualları cavablandırmışdır.
Bölmənin digər xəbərləri
