CƏMİYYƏT
Salonikidə Zəfər Günü və Bayraq Günü tədbirləri keçirilib
Saloniki, 11 noyabr, AZƏRTAC
"QALA" Yunanıstan-Azərbaycan Dostluq Cəmiyyəti Salonikidə Zəfər Günü və Dövlət Bayrağı Günü münasibətilə tədbir təşkil edib.
AZƏRTAC xəbər verir ki, tədbirdə cəmiyyətin üzvləri ilə bərabər, Salonikidə yaşayan soydaşlarımız da iştirak edib. Əvvəlcə ölkəmizin suverenliyi və azadlığı uğrunda canından keçən şəhidlərimizin əziz xatirəsi bir dəqiqəlik sükutla yad edilib, Azərbaycanın Dövlət Himni səsləndirilib.
Cəmiyyətin sədri Rəşid Məmmədov Azərbaycanın əldə etdiyi uğurlar, Müzəffər Ali Baş Komandan İlham Əliyevin rəhbərliyi altında 44 günlük Vətən müharibəsində Azərbaycan Ordusunun qazandığı şanlı Qələbə haqqında məlumat verib. Həmçinin Azərbaycan Prezidenti İlham Əliyevin Sərəncamı ilə Bayraq Gününün təsis edilməsinin bayrağa olan diqqət və sevginin göstəricisi olduğu vurğulanıb.
İqbal Hacıyev
AZƏRTAC-ın xüsusi müxbiri
Saloniki
Bölmənin digər xəbərləri
