Salyan, 19 oktyabr, Aydın Yavərzadə, AZƏRTAC

Salyanın meyvə bağlarında bu il bol məhsul yetişib. Bağbanlar dövlət tərəfindən kənd təsərrüfatı sahəsinə göstərilən diqqət və qayğıdan yararlanaraq ötən ilə nisbətən daha çox məhsul tədarük ediblər.

Rayon Statistika İdarəsindən AZƏRTAC-ın bölgə müxbirinə verilən məlumata görə, Salyan rayonunda 2022-ci ilin doqquz ayında 832,1 hektar meyvə və giləmeyvə bağlarından 1234,9 ton məhsul tədarük olunub. Bu da ötən ilin eyni dövrü ilə müqayisədə 6,1 ton və ya 0,5 faiz çoxdur. Yığılan məhsulun 505,5 tonunu nar, 73 tonunu alma, 43,7 tonunu armud, 111,2 tonunu heyva, 23,4 tonunu ərik, 67,2 tonunu albalı, 50,2 tonunu şaftalı, 42,0 tonunu gavalı, 82,4 tonunu alça, 18,9 tonunu gilas, 19,8 tonunu digər meyvələr təşkil edib. Həmçinin məhsul istehsalçıları 197,6 ton giləmeyvə yığıblar.