Şamaxı Astrofizika Rəsədxanasında mülki müdafiə təlimi keçirilib
Bakı, 1 may, AZƏRTAC
Azərbaycan Milli Elmlər Akademiyasının Nəsirəddin Tusi adına Şamaxı Astrofizika Rəsədxanasında “Fövqəladə hallar zamanı fövqəladə hadisələrin nəticələrinin aradan qaldırılması prosesində mülki müdafiə orqan və qüvvələrinin idarə edilməsinin təşkili” mövzusunda rəhbər heyətin təlimi keçirilib.
Rəsədxanadan AZƏRTAC-a bildirilib ki, təlimin keçirilməsinin məqsədi mülki müdafiə planının nə qədər real olduğunun yoxlanılması və dəqiqləşdirilməsi, mülki müdafiə hazırlığının vəziyyəti, rəhbər heyətin və komandir-rəis heyətinin nəzəri bilik və əməli bacarıqlarının yoxlanılması, təkmilləşdirilməsi olub.
Təlimdə qoyulmuş tapşırıqlar üzrə nəzəri bilikləri yoxlanılıb.
Sonda təlimin gedişi təhlil olunub, bəzi nöqsanların və çatışmazlıqların aradan qaldırılması barədə tövsiyələr verilib.
Bölmənin digər xəbərləri
