Samuxda 617 hektarda tərəvəz bitkiləri əkilib
Samux, 29 aprel, Rauf Hacıyev, AZƏRTAC
İqtisadiyyatının mühüm hissəsini kənd təsərrüfatı məhsullarının istehsalı təşkil edən Samux rayonunda faraş tərəvəz əkininə maraq artıb.
AZƏRTAC-ın bölgə müxbiri xəbər verir ki, 2018-ci ildə rayon üzrə 710 hektarda tərəvəz bitkiləri əkilib, 12818,5 tondan artıq məhsul istehsal edilib. Rayonda istehsal olunan məhsullar həm yerli bazarda, həm də xarici ölkələrin bazarlarında satılıb.
Bu ilin birinci rübündə isə rayonda 617 hektarda tərəvəz bitkiləri əkilib. Yazlıq əkin başa çatmadığından, payızlıq əkin isə hələ başlamadığından bu il tərəvəz əkininin ötən ilə nisbətən xeyli artacağı gözlənilir.
Bölmənin digər xəbərləri
