REGİONLAR
Şəhid Həsən İsmayılov Gəncədə son mənzilə yola salınıb YENİLƏNİB VİDEO




Gəncə, 5 yanvar, AZƏRTAC
Laçın rayonunda çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində şəhid olan hərbi qulluqçu İsmayılov Həsən Ümid oğlu ilə yanvarın 5-də Gəncədə dəfn edilib.
AZƏRTAC-ın bölgə müxbiri xəbər verir ki, Həsən İsmayılov Gəncədəki Şəhidlər xiyabanında torpağa tapşırılıb.
Dəfn mərasimində şəhidin ailə üzvləri, hərbçilər, şəhər icra hakimiyyətinin rəhbərliyi və ictimaiyyətin nümayəndələri iştirak ediblər.
İyirmi səkkiz yaşlı gizir ailəli idi. Onun iki övladı yadigar qalıb.
Xatırladaq ki, yanvarın 4-də Laçın rayonunda çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçuları İsmayılov Həsən Ümid oğlu və Axundov Səxavət Fərasət oğlu həlak olub.
12:04
Laçın rayonunda çətin relyefli dağlıq ərazidə ötən gün hərbi nəqliyyat vasitəsinin qəzaya uğraması nəticəsində şəhid olan Azərbaycan Ordusunun hərbi qulluqçusu İsmayılov Həsən Ümid oğlu ilə Gəncədə vida mərasimi keçirilir.
AZƏRTAC-ın bölgə müxbiri xəbər verir ki, mərasim Həsən İsmayılovun Gəncə şəhərindəki evində keçirilir.
Vida mərasimində onun hərbçi yoldaşları, şəhər icra hakimiyyətinin rəhbərliyi və Gəncə şəhər ictimaiyyətinin nümayəndələri iştirak edirlər.
Mərasimdən sonra Həsən İsmayılov Gəncənin Şəhidlər xiyabanında dəfn ediləcək.
İyirmi səkkiz yaşlı gizir Həsən İsmayıl oğlu ailəli idi. Onun iki övladı yadigar qalıb.
Xatırladaq ki, yanvarın 4-də Laçın rayonunda çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçuları İsmayılov Həsən Ümid oğlu və Axundov Səxavət Fərasət oğlu həlak olub.