Səidə Şəfiyeva: Açıq seminarlarda tələbələr dəyişən media mühitində səmərəli kommunikasiyanın qurulması yollarını öyrənəcəklər
Bakı, 5 noyabr, AZƏRTAC
Azərbaycan Respublikasının Medianın İnkişafı Agentliyi və ADA Universitetinin İnkişaf və Diplomatiya İnstitutunun birgə təşkilatçılığı ilə bu gün müxtəlif ali təhsil müəssisələrində jurnalistika ixtisasında təhsil alan, eyni zamanda, jurnalistikaya marağı olan 60-a yaxın tələbə açıq seminarlara cəlb edilib.
AZƏRTAC xəbər verir ki, bu sözləri jurnalistlərə müsahibəsində Medianın İnkişafı Agentliyinin Kommunikasiya şöbəsinin müdiri, mətbuat katibi Səidə Şəfiyeva deyib.
O bildirib ki, kommunikasiya mövzusunda keçirilən "MEDİA Talks"da xaricdən dəvət edilən mütəxəssis Tatyana Ravalli interaktiv formada keçirilən seminarlarda tələbələri maraqlandıran sualları cavablandırıb.
Səidə Şəfiyeva qeyd edib ki, seminarların təşkilinin əsas məqsədi gənclərin media sahəsində fəal iştirakını təmin etmək, onların fəaliyyətini stimullaşdırmaq, eyni zamanda, beynəlxalq təcrübənin öyrənilməsi və milli mediada tətbiqi, həmçinin dəyişən media mühitində kommunikasiya alətlərini və səmərəli kommunikasiyanın qurulması yollarını göstərməkdir.
Bölmənin digər xəbərləri
