SƏMƏRQƏNDDƏ “ŞƏRQ TƏRANƏLƏRİ” MUSİQİ FESTİVALI KEÇİRİLİR
Festivalda Şərq dövlətlərindən, Avropa və Amerikanın 32 ölkəsindən gəlmiş ifaçılar, müğənnilər, Şərq musiqisinin tədqiqatçıları iştirak edirlər.
Azərbaycan bu festivalda xanəndə Zabit Nəbizadənin rəhbərliyi ilə muğam üçlüyü və Azərbaycan Milli Konservatoriyasının rektoru Səyavuş Kərimi təmsil edirlər.
Xarici ölkələrdən gəlmiş 500-dən artıq Şərq musiqisi həvəskarı da bu böyük musiqi bayramının qonağıdır. Xatırladırıq ki, 1997-ci ildə keçirilən “Şərq təranələri” I Beynəlxalq musiqi festivalında Azərbaycandan gəlmiş müğənni Simarə İmanova, 2001-ci ildə keçirilən III festivalda xalq artisti Alim Qasımov festivalın baş mükafatlarına layiq görülmüşdülər.
Festival avqustun 30-dək davam edəcək.
Bölmənin digər xəbərləri
