Bakı, 27 aprel (AZƏRTAC). Belqrad və Sofiya milli qaz-nəqliyyat sistemlərinin birləşdirilməsinə dair layihənin maliyyələşdirilməsi xahişi ilə Brüsselə müraciət etmək niyyəıtindədirlər. Bunu Serbiya hökumətinin başçısı Mirko Svetkoviç və onun bolqarıstanlı həmkarı Boyko Borisov bildirmişlər.

Sofiya Serbiya sərhəddinədək qaz magistralının çəkilməsi üçün Avropa fondlarından vəsait əldə etsə də, Belqradın bu işlərə pulu yoxdur. Hər iki ölkənin hökumət başçıları birgə mətbuat konfransında bildirmişlər ki, layihə Avropa İttifaqının qalan üzvləri üçün əhəmiyyət daşıdığı üçün tərəflər onun Brüssel tərəfindən maliyyələşdirilməsinə nail olmaq niyyətindədirlər.