OĞLAQLARIN son vaxtlar ciddi-cəhdlə qurduqları planlar bu həftə bol bəhrə verəcəkdir. İşə ciddi münasibətiniz həyatın bütün sahələrində sanballı nəticələr əldə etməyinizə kömək edəcəkdir. Bu bürc altında doğulan insanların bir çoxunun karyera etmək və subaylığın sultanlığına son qoymaq imkanları olacaqdır.

DOLÇALAR bu və ya digər qərarı qəbul edərkən hər detalı dəfələrlə ətraflı düşünməlidirlər. Yeni ideya və təkliflər sizi hər addımda gözləyəcəkdir. Odur ki, həqiqətən sizə lazımlı və maraqlı olanı seçməlisiniz. Həftə sonu bir küncə çəkilib həyati dəyərlərinizi gözdən keçirməyiniz və planlar qurmağınız üçün münasibdir.

BALIQLAR çox güman keçmiş borclarının yükündən qurtulmalı olacaqlar. Bu ödəmələr müvəqqəti olaraq cibinizi boşaldacaqdır. Lakin borc məsələsini məhz indi həll etməyiniz daha yaxşıdır. Gələcəkdə sizin üçün böyük problemlər yarada bilər. Həftə sonu peşəkar təşəbbüslər və yeni fəaliyyət formalarına keçid uğurla nəticələnəcəkdir.

QOÇLARI yazın son günlərində rəhbərliklə yaxşı münasibətlər gözləyir. Xidmətlərinizin təsdiq ediləcəyinə və maddi mükafata ümid bəsləyə bilərsiniz. Əks cinsin nümayəndələri ilə dostluq münasibətlərinin yaxın günlərdə romantik macəraya çevrilməsi ehtimalı yüksəkdir.

BUĞALAR son vaxtlar maddi durumlarının imkan verdiyindən çox xərclədikləri barədə düşündüklərini görəcəklər. Pulsuzluqdan qaçmaq üçün xərclərinizi nəzarətdə saxlamalısınız. Əgər qənaət tədbirləri sizi qıcıqlandırırsa, onda yeni gəlir mənbələri axtarmalısınız.

ƏKİZLƏRƏ qohumlar vaxtında və əsaslı dəstək göstərəcəklər. Ola bilsin, onlardan birinin köməyi ilə çoxlu qazanc vəd edən mühüm müqavilə imzalayacaqsınız. Sonuncu çox aktual məsələdir. Bu işdə əlavə vasitələr sizə yalnız kömək edə bilər. Pul şəklində dəstəyi vaxtında alacaqsınız. İşlərinizi hər addımınızı düşünülmüş şəkildə ata-ata, tələsmədən görməlisiniz.

XƏRÇƏNGLƏR yeni insanlarla tanış olacaqlar. Həmin insanlar vaxtı gələndə əsl dostlara və həqiqi köməkçilərə çevriləcəklər. Ünsiyyətcil olmağınız sayəsində siz hətta ən münaqişəli və inadkar şəxslərlə ümumi dil tapa bilirsiniz. Yaxın günlərdə istənilən danışıqları yüksək səviyyədə keçirəcəksiniz. Son nəticədə bütün bunlar faydalı ittifaqlar qurmağınızla nəticələnəcəkdir.

ŞİRLƏR peşəkarlıq fəaliyyətlərində uğur qazanacaqlar. İşdə mövqelərinizi möhkəmləndirmək üçün əlverişli dövrə qədəm qoyursunuz. Yeni işgüzar planları əvvəlki ideya və layihələrlə əlaqələndirməlisiniz. İndi onların uğurla həyata keçirilməsi üçün əla vaxtdır. Rəhbərlik təkliflərinizi dinləyəcəkdir, həmkarlar isə onların həyata keçirilməsinə kömək edəcəklər.

QIZLAR yaxın günlərdə peşəkarlıq fəaliyyətlərinə toxunan cəlbedici təklif alacaqlar. Siz xidməti vəzifənin yeni pilləsinə qalxa, daha yüksək məvacibli və maraqlı işə keçə bilərsiniz. Təklifi qəbul edib-etməmək özünüzdən asılı olacaqdır. Lakin yadda saxlayın ki, uğur qazanmaq üçün hər bir imkanınız vardır.

TƏRƏZİLƏR biliklərini fəal surətdə artırmalıdırlar. Həftə ehtiyacınız olan insanlarla əlaqələrin qurulması baxımından uğurlu olacaqdır. Ruh yüksəkliyiniz, enerjiniz və yeni-yeni ideyalarınız ətrafdakıları heyran qoyacaqdır. Onlar sizin bütün təşəbbüs və planlarınızı dəstəkləyəcəklər. Bunun sayəsində nəzərdə tutduğunuz bütün işləri həyata keçirəcəksiniz.

ƏQRƏBLƏR gələcək barədə düşünməli, yaxın perspektiv üçün konkret fəaliyyət planı qurmalıdırlar. Məsələ bundadır ki, həyatınızda yeni-yeni təşəbbüslər üçün əlverişli dövr başlayır. İdeyalarınızın bir çoxu maddi cizgilər alacaqdır. Yaradıcı ideya və təşəbbüslərinizi həyata keçirmək mümkün olacaqdır. Bunun üçün çatışmayan imkanları dostlarınız verəcəklər.

OXATANLAR bu həftəni yaradıcılıq məsələlərinə həsr etməlidirlər. Cansıxıcı işləri sonraya saxlayın. Özünüzü göstərmək, istedadınızı nümayiş etdirmək üçün əla zamandır. Doğmalarınızın və yaxınlarınızın məsləhətlərinə qulaq asmalısınız. Onlar sizə ideyaları ilə kömək edəcəklər. Sevgilinizlə münasibətləriniz hiss və emosiyaların yeniləndiyi mərhələyə qədəm qoyur.