Bakı, 23 avqust (AZƏRTAC). Zaqatalanın “Simurq” futbol klubunun məşqçilər korpusuna daha bir gənc mütəxəssis cəlb olunmuşdur.

Klubdan AZƏRTAC-a bildirmişlər ki, ötən mövsümdə “Kəpəz” klubunda baş məşqçinin köməkçisi vəzifəsini yerinə yetirən Mehman Hacıyev bundan sonra karyerasını “Simurq”da davam etdirəcəkdir. Seleksioner-məşqçi kimi çalışacaq M.Hacıyev artıq komanda ilə birillik müqavilə bağlamışdır.

Mütəxəssisin Zaqatala təmsilçisindəki fəaliyyəti “Simurq”un müxtəlif yaş qruplarına istedadlı gənclərin axtarıb tapılması və komandaya cəlb edilməsi olacaqdır.