Şirkət sürücüsünün minaya düşməsi faktı ilə bağlı rayon prokurorluğunda araşdırma aparılır
Bakı, 2 noyabr, AZƏRTAC
Noyabrın 2-də Cəbrayıl rayonunun işğaldan azad olunmuş ərazisində 1972-ci il təvəllüdlü İlqar Əhmədovun minaya düşməsi barədə rayon prokurorluğuna məlumat daxil olub.
Cəbrayıl Rayon Prokurorluğunun AZƏRTAC-a daxil olan məlumatında bildirilib ki, aparılmış ilkin araşdırmalarla təmir-tikinti işləri ilə məşğul olan şirkətin sürücüsü İlqar Əhmədovun rayonun Mehdili kəndi ərazisində olarkən piyada əleyhinə minaya düşməsi nəticəsində müxtəlif dərəcəli bədən xəsarətləri alması müəyyənləşdirilib.
Hazırda faktla bağlı Cəbrayıl Rayon Prokurorluğunda araşdırma aparılır.
Bölmənin digər xəbərləri
