Sloveniyanın xarici işlər naziri: Azərbaycan və Ermənistan arasındakı sülhün region üçün çoxsaylı faydaları olacaq VİDEO
Bakı, 17 aprel, AZƏRTAC
Sloveniya Azərbaycan və Ermənistan arasında sülhün bərqərar olmasında maraqlıdır.
AZƏRTAC xəbər verir ki, bunu aprelin 17-də Azərbaycanın xarici işlər naziri Ceyhun Bayramovla keçirdiyi birgə mətbuat konfransında Sloveniyanın xarici işlər naziri Tanya Fayon bildirib.
“Sülh sazişi üzrə mətnin yekunlaşmasını alqışlayıram və hər iki tərəfi zəruri addımlar ataraq bu sənədi tezliklə imzalamağa çağırıram. Sülhün region üçün çoxsaylı faydaları olacaq. Bu, müxtəlif ticarət təşəbbüslərinin gerçəkləşməsinə şərait yaradacaq və həm region daxilində, həm də ondan kənarda müsbət nəticələr verəcək. Eyni zamanda, bu proses Şərqlə Qərbi birləşdirəcək mühüm kommunikasiya kanalı ola bilər,” – deyə Tanya Fayon vurğulayıb.
Bölmənin digər xəbərləri
