Şotlandiya mediası Azərbaycan ilə Aİ arasında enerji sahəsində Strateji Tərəfdaşlığa dair sazişin imzalanmasından yazır
London, 19 iyul, AZƏRTAC
Şotlandiyanın “The National” xəbər saytında Avropa Komissiyasının Prezidenti Ursula Fon der Lyayenin Azərbaycan Respublikasının Prezidenti İlham Əliyev ilə görüşü, Azərbaycan və Avropa İttifaqı (Aİ) arasında enerji sahəsində Strateji Tərəfdaşlığa dair Anlaşma Memorandumunun imzalanması barədə məqalə dərc olunub.
AZƏRTAC xəbər verir ki, məqalədə Anlaşma Memorandumunun iyulun 18-də Bakıda Avropa Komissiyasının Prezidenti Ursula Fon der Lyayen və Azərbaycan Prezidenti İlham Əliyev tərəfindən imzalandığı bildirilib.
Məqalədə, həmçinin Rusiya-Ukrayna müharibəsi və Moskvanın onlarla Aİ ölkəsinə təbii qaz axınını dayandırmasının enerji qiymətlərinin artmasına, inflyasiyaya səbəb olduğu, bu baxımdan Avropanın alternativ enerji mənbələrini təmin etmək üçün tədbirlər gördüyü qeyd olunur.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
