Şotlandiya Milli Partiyasının seçki manifesti açıqlanıb
London, 27 noyabr , AZƏRTAC
Şotlandiyanın Birinci Naziri və Şotlandiya Milli Partiyasının (SNP) lideri Nikola Stercen partiyasının seçki manifestini açıqlayıb.
AZƏRTAC xəbər verir ki, Nikola Stercen çıxışında Şotlandiyada 2020-ci ildə müstəqillik referendumu keçiriləcəyini bildirib.
Stercen partiyasının seçki manifestində Brexitdən qaçmaq və Şotlandiyanın gələcəyinin ölkənin öz əlində olmasını təmin etmək olduğunu söyləyib.
Partiyanın seçki manifestində isə İngiltərə hökumətinin narkotik siyasətinə dair səlahiyyətləri Şotlandiya parlamentinə verməsinə nail olunması, məşğulluq qanununun dəyişdirilməsi, Avropa İttifaqına üzvlük ilə bağlı daha bir referendumun keçirilməsi, səhiyyə sistemində dəyişiklik edilməsi kimi vədlər verilir.
Qeyd edək ki, Şotlandiya Milli Partiyası 2017-ci ildə Böyük Britaniya Parlamentinə keçirilən son seçkilərdə 35 yer qazanıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
