Soydaşımız Qazaxıstanda şəhər məclisinə deputat seçilib
Bakı, 9 aprel, AZƏRTAC
Qazaxıstanda yaşayan Azərbaycan diasporunun fəal nümayəndəsi Vidadi Fərzəliyev 8-ci Aktobe şəhər məclisinin deputatı seçilib.
Bu barədə AZƏRTAC-a Diasporla İş üzrə Dövlət Komitəsindən bildirilib.
Qeyd edək ki, Vidadi Fərzəliyev 1993-cü il sentyabrın 2-də anadan olub. Soydaşımız 2012-2024-cü illərdə Aktobedə Azərbaycan diasporunun gənclər təşkilatının sədri, 2023-cü ildən Aktobe şəhər məclisinin ictimai şurasının üzvü, 2024-cü ildən həmin şəhərin Azərbaycan diasporu sədrinin birinci müavini olub. Qeyd edək ki, əmək və ictimai fəaliyyətindəki nailiyyətlərinə görə Qazaxıstan dövləti tərəfindən dəfələrlə sertifikatlar və təşəkkürnamələrlə təltif edilib.
Bölmənin digər xəbərləri
