SUMQAYIT ELEKTRİK STANSİYASINDA SOYUTMA SİSTEMİ NASOSLARININ TESTLƏŞDİRİLMƏSİ BAŞA ÇATMIŞDIR
“Azərenerji” AS-nın mətbuat xidmətindən AZƏRTAC-a bildirmişlər ki, Sumqayıt Elektrik Stansiyasının əsas avadanlığının - 517 meqavatt gücündə buxar-qaz qurğusunun testləşdirilməsi üzrə işlər başa çatdırılır.
Testləşdirmədən sonra soyutma sisteminin nasos stansiyası işə salınmışdır. Açıq su kanallarının, sutəmizləyici və nasos qurğularının iş rejimi yoxlanılmışdır.
Yaxın vaxtlarda yardımçı qazan sazlanacaq, əsas qazanın və buxar su sisteminin kimyəvi təmizlənməsinə başlanılacaqdır.
Mütəxəssislərin proqnozlarına görə, 1 kilovat-saat elektrik enerjisi istehsalına 230 qram yanacaq sərf etməklə Sumqayıt İES-in illik gücü 3,8 milyard kilovat-saat, qaz yanacağına tələbat saatda 100 min kubmetr, ildə isə 630 milyon kubmetr olacaqdır.
Bölmənin digər xəbərləri
