Sumqayıtda qadına bıçaqla xəsarət yetirməkdə şübhəli bilinən şəxs saxlanılıb
Bakı, 25 yanvar, AZƏRTAC
Sumqayıt şəhər sakini olan qadının bıçaq xəsarəti ilə xəstəxanaya gətirilməsi barədə yanvarın 23-də saat 6 radələrində şəhər polis idarəsinin 4-cü polis bölməsinə məlumat daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, dərhal polis əməkdaşları tərəfindən müvafiq tədbirlər həyata keçirilib. Araşdırmalarla həmin qadının münaqişə zəminində bıçaqlandığı müəyyənləşdirilib.
Keçirilmiş əməliyyat-axtarış tədbirləri nəticəsində qəsdən sağlamlığa ağır zərər vurmaqda şübhəli bilinən Abşeron rayon sakini R.Nəcəfov polis əməkdaşları tərəfindən saxlanılıb.
Faktla bağlı araşdırma aparılır.
Bölmənin digər xəbərləri
