“SUQOVUŞAN” QƏZETİNİN 7000-Cİ NÖMRƏSİ ÇAPDAN ÇIXMIŞDIR

30.08.2003 [13:50]
Çap et
A⁺ A^-

Sabirabadda nəşr olunan “Suqovuşan” ictimai-siyasi qəzetinin 7000-ci nömrəsi çapdan çıxmışdır. 1930-cu ildə “Pambıq cəbhəsində” adı ilə oxucuların görüşünə gələn, 1962-ci il iyulun 1-dən “Muğan”, 1992-ci il iyulun 22-dən isə “Suqovuşan” adı ilə çıxan qəzet ötən 73 ildə rayonun ictimai-siyasi, mədəni həyatında əhəmiyyətli rol oynamış, zəngin ənənələri olan Azərbaycan mətbuatının tarixində öz dəst-xəttinə malik nəşr kimi tanınmışdır.

Qəzetin yubiley nömrəsinin birinci səhifəsində İlham Əliyevin Azərbaycanın Baş naziri təyin olunması barədə məlumat, onun qısa tərcümeyi-halı verilmişdir.

Oxucular bu nömrədə rayon rəhbərliyinin, ayrı-ayrı peşə sahiblərinin təbrikləri, qəzetin keçdiyi yol, dünyasını dəyişmiş əməkdaşları barədə yazılarla tanış ola bilərlər.

Həmkarlarımızı əlamətdar yubiley münasibətilə ürəkdən təbrik edir, gələcək işlərində uğurlar diləyirik.