Bakı, 20 oktyabr, AZƏRTAC

Oktyabrın 22–də Şuşa Dövlət Musiqili Dram Teatrında “Boy çiçəyi” tamaşasının premyerası olacaq.

Teatrdan AZƏRTAC-a bildirilib ki, tamaşanın quruluşçu rejissoru Əməkdar artist Loğman Kərimov, quruluşçu rəssamı Valeh Məmmədov, musiqi tərtibatçısı Əməkdar artist Azad Məmmədovdur.

Rolları Əməkdar artistlər Nazir Rüstəmov, Azad Məmmədov, aktyorlar Zəhra Salayeva və Püstəxanım Zeynalova ifa edirlər.

Ata qayğısından məhrum olan Nargilənin zavod direktoru Həsənzadəyə olan məhəbbətindən bəhs olunan tamaşada cərəyan edən hadisələr bu günümüzlə səsləşir.

Görkəmli Azərbaycan dramaturqu, Xalq yazıçısı İlyas Əfəndiyevin “Boy çiçəyi” və ya “Sən həmişə mənimləsən” pyesinin yazılmasından 60 ilə yaxın vaxt keçməsinə baxmayaraq, əsər bu gün də sevilir, tamaşaçı zövqünü oxşayır.