TANIŞ OLUN: YENİ MUSİQİ STUDİYASI MOSKVA ANSAMBLI FİLARMONİYADA KONSERTLƏR VERƏCƏK
Müslüm Maqomayev adına Azərbaycan Dövlət Filarmoniyasından AZƏRTAC-a verilən məlumata görə, mayın 1-də və 3-də burada Moskvanın “Yeni musiqi studiyası” ansamblı Qara Qarayevin anadan olmasının 90 illiyinə həsr edilmiş konsert proqramları ilə çıxış edəcəkdir.
“Qara Qarayev və onun məktəbi” adlı birinci konsertdə moskvalı Marianna Vısotskaya və bakılı Salman Qəmbərovun ifasında Arif Məlikovun, Xəyyam Mirzəzadənin və Fərəc Qarayevin əsərləri səslənəcəkdir. İkinci konsertdə isə Fəridə Məmmədova yeni Vyana məktəbinin klassikləri Arnold Şenberq, Anton fon Vebern və Alban Berqin əsərlərini ifa edəcəkdir.
Bölmənin digər xəbərləri
