TARİX FƏNNİ ÜZRƏ ELMİ-METODİKİ SEMİNAR KEÇİRİLMİŞDİR
Tələbə Qəbulu üzrə Dövlət Komissiyasından AZƏRTAC-a bildirmişlər ki, tarix fənni üzrə elmi-metodiki seminar davam etdirilmişdir.
Alim və müəllimlərin iştirak etdikləri seminarda 2008-ci ildə ali məktəblərə qəbul imtahanlarında abituriyentlərin nəticələrinin statistik təhlilinə əsasən II ixtisas qrupunda tarix fənnindən istifadə edilmiş test tapşırıqlarının müzakirəsi aparılmışdır (C variantı).
Azərbaycan Milli Elmlər Akademiyasının əməkdaşları Ə.Bədəlov, F.Babayev, Heydər Əliyev adına liseyin müəllimləri H.Cabbarov, Ə.Həsənov, 72 nömrəli liseyin müəllimi A.Allahverdiyev, digər mütəxəssislər və müəllimlər çıxış edərək, müvafiq test tapşırıqlarının respublikanın orta məktəblərində qüvvədə olan tədris proqramı əsasında hazırlanmış qəbul proqramına və dərsliklərə tam uyğun olduğunu diqqətə çatdırmışlar.
Müzakirələr nəticəsində statistik göstəricilər əsasında qəbul imtahanlarında abituriyentlərin cavab verməkdə çətinlik çəkdikləri və cavab verməkdən imtina etdikləri test tapşırıqları müəyyənləşdirilmişdir. Həmin test tapşırıqlarının izahına dair metodiki tövsiyə hazırlanması və “Abituriyent” jurnalında dərc edilməsi qərara alınmışdır.
Bölmənin digər xəbərləri
