TAXIL SAHƏLƏRİ ZİYANVERİCİLƏRDƏN QORUNUR
Keçən il respublikamızın qərb bölgəsində taxılçılıqla məşğul olan torpaq sahiblərinə yardım məqsədi ilə 2 milyon 842 manat vəsait ödənilmişdir. Bunun da nəticəsində fermerlər arasında taxılçılığa maraq daha da artmış, əvvəlki ilə nisbətən 7 min hektar çox sahədə taxıl əkilmişdir.
Samux Rayon Ərazi Kənd Təsərrüfatı İdarəsinin rəisi, Ziyad Abbasov AZƏRTAC-ın müxbirinə demişdir ki, bu il sahələrdən əvvəlkindən xeyli çox -təxminən 110 min ton məhsul yığılması gözlənilir. Hazırda əsas diqqət yetişdirilmiş məhsulun qorunmasına yönəldilmişdir. Bunun üçün müxtəlif tədbirlər həyata keçırılır. Xüsusilə ziyanvericilərə qarşı mübarızə tədbirləri daha çox diqqət mərkəzində saxlanılır. Mütəxəssislər tez-tez taxıl sahələrində olur, təsərrüfatlardakı vəziyyət barədə məlumat toplayır, lazım gəldikdə mübarızə tədbirləri həyata keçirirlər.
Bu yaxınlarda belə bir tədbir Samux rayonunun Eldar bölgəsində həyata keçirilmişdir, Nəticədə taxıl zəmilərində müşahidə olunan Mərakeş çəyirtkələri güclü dərman preparatları ilə məhv edilmişdir. Hazırda bölgənin taxıl zəmiləri üçün heç bir təhlükə yoxdur.
Bölmənin digər xəbərləri
