Bakı, 26 sentyabr, AZƏRTAC

Ötən il Türk Dövlətləri Təşkilatına (TDT) daxil olan ölkələrin öz aralarında həyata keçirdiyi ixracın dəyəri 33 milyard ABŞ dolları olub.

AZƏRTAC xəbər verir ki, bu barədə Türkiyənin kənd təsərrüfatı və meşəçilik naziri İbrahim Yumaklı Bakıda keçirilən Türk Dövlətləri II Aqrobiznes Forumunda bildirib.

O qeyd edib ki, həmin məbləğin 3,8 milyardı kənd təsərrüfatı məhsullarının payına düşüb. Bu isə yetərli deyil.

Nazir, həmçinin nəzərə çatdırıb ki, ötən il Türk Dövlətləri Təşkilatına üzv olan ölkələrin ümumi ixracının dəyəri 537 milyard ABŞ dollarından çox olub.