Bakı, 15 iyul, AZƏRTAC

İyulun 15-də təhsil naziri Emin Əmrullayev çalışmanın yaş həddinə çatmış “Zəngi” liseyinin direktoru Almaz Əsgərova və “Elitar” gimnaziyanın direktoru Sevda Quliyeva ilə görüşüb.

Bu barədə AZƏRTAC-a Təhsil Nazirliyindən məlumat verilib. Nazir Emin Əmrullayev hər iki ümumi təhsil müəssisəsinin direktoruna 40 illik pedaqoji fəaliyyətləri dövründə təhsilin inkişafına verdikləri töhfəyə, gənc nəslin təlim-tərbiyəsi sahəsində uzunmüddətli səmərəli xidmətlərinə görə təşəkkür edib.

Direktorlar onların əməyinə verilən dəyərə görə minnətdarlıqlarını ifadə ediblər.

Sonda direktorlar Təhsil Nazirliyinin təşəkkürnaməsi ilə təltif olunublar.