TELEKANALLARIN YAYIM KEYFİYYƏTİ YAXŞILAŞIR
28 May - Respublika günü ərəfəsində Rabitə və İnformasiya Texnologiyaları Nazirliyinin “Teleradio” İstehsalat Birliyi (İB) bir sıra tədbirlər həyata keçirmişdir.
Nazirlikdən AZƏRTAC-a bildirmişlər ki, birlik Azərbaycan Televiziya və Radio Verilişləri Qapalı Səhmdar Cəmiyyəti (AzTV) proqramının yayım keyfiyyətinin yaxşılaşdırılması məqsədilə Astarada, Yardımlının Qarovuldaş, Siyəzənin Gilgilçay kəndlərində müasir TV ötürücüləri quraşdırmışdır. İctimai Televiziya və Radio Yayımları Şirkətinin (İTV) proqramının yayım keyfiyyətini artırmaq məqsədilə Füzuli rayonunun Əhmədbəyli qəsəbəsində və Bakının Günəşli qəsəbəsində TV ötürücüləri istifadəyə verilmişdir.
Özəl və regional TV kanallarının yayım keyfiyyətinin yaxşılaşdırılması istiqamətində də işlər davam etdirilmişdir. Gəncə və Şamaxıda “Xəzər” TV-nin proqramlarının yayım keyfiyyəti yaxşılaşdırılmış, Oğuzda “Azad Azərbaycan” Teleradio Yayım Şirkətinin (ATV) proqramlarını yayan TV ötürücüləri quraşdırılmışdır.
Bölmənin digər xəbərləri
