Tərtər, 14 dekabr, Tahir Ağaməmmədov, AZƏRTAC

Tərtər rayonunun xurma bağlarında məhsul yığımı başa çatıb.

Rayon Statistika İdarəsindən AZƏRTAC-ın bölgə müxbirinə bildirilib ki, rayonda 533,2 hektar xurma bağı var. Onun 446,6 hektarı bar verəndir. 2022-ci ildə 14 hektar yeni xurma bağları salınıb.

Xurma bağlarından bu il 7016,1 ton məhsul toplanıb. Hər hektardan orta məhsuldarlıq 2021-ci ilə nisbətən 10,9 sentner artaraq 157,1 sentner olub.

Qeyd edək ki, xurma orqanizm üçün faydalılığı ilə seçilən meyvədir. Onun tərkibində şəkər, protein, yağlar, C vitamini və aşı maddəsi var. Xalq təbabətində xurma müxtəlif mədə xəstəliklərinin sağaldılmasında tətbiq edilir.