Tərtər, 13 dekabr, AZƏRTAC

Tərtər rayonunda şəkər çuğunduru yığımı başa çatmaq üzrədir.

Rayon Statistika İdarəsindən AZƏRTAC-ın bölgə müxbirinə bildirilib ki, bu il 193,4 hektar sahədə şəkər çuğunduru səpini həyata keçirilib. Bu günədək sahələrin 181 hektarında yığım aparılıb, 4525 ton məhsul əldə edilib. Hər hektarın orta məhsuldarlığı 250 sentnerdir. Yığılan məhsul İmişli şəkər zavoduna təhvil verilir.

Qeyd edək ki, vacib texniki bitki hesab edilən şəkər çuğundurundan həm şəkər istehsalı üçün, həm də heyvandarlıqda yem kimi istifadə olunur.