Topçubaşov adına Elmi Cərrahiyyə Mərkəzinin nəzdində Plastik və rekonstruktiv cərrahiyyə şöbəsi yaradılır
Bakı, 16 may, AZƏRTAC
Səhiyyə Nazirliyi hazırda akademik M.A.Topçubaşov adına Elmi Cərrahiyyə Mərkəzinin nəzdində Plastik və rekonstruktiv cərrahiyyə şöbəsi yaradır və tam təchiz edir. Həmin şöbəyə fəaliyyət üçün komissiyadan keçmiş 42 mütəxəssis cəlb olunacaq. Onların arasında xaricdə təhsil almış həmyerlərimiz və hətta artıq tibb üzrə fəlsəfə doktorluğu dissertasiyası müdafiə etmiş insanlar var.
AZƏRTAC xəbər verir ki, bunu Milli Məclisin mayın 16-da keçirilən iclasında səhiyyə naziri Teymur Musayev deyib.
“Düşünürəm ki, o şöbə nümunəvi olacaq. İstər bizim rezidentlərimiz, istərsə də diplomdan sonrakı istənilən ixtisasartırma kursları üçün”, - deyə nazir qeyd edib.
Bölmənin digər xəbərləri
