Bakı, 8 avqust (AZƏRTAC). AFFA və “Bakcell” şirkətinin birgə təşkilatçılığı ilə Bakıda təşkil olunmuş “Mançester Yunayted” Yay Futbol Məktəbinin təlim-məşq toplanışında seçilmiş 5 nəfər - Samir Məhərrəmli, Turan Vəlizadə, Zeynəddin Abdurrahmanov, Tamerlan Rizvanov və Xəyal Əliyev avqustun 10-dan 27-dək AFFA-nın elit məşq layihəsinin koordinatoru Mirbağır İsayev və və texniki departamentin əməkdaşı Ramin Həsənovun müşayiəti ilə İngiltərənin Mançester şəhərindəki Denston kollecində “Mançester Yunayted” Yay Futbol Məktəbində iştirak edəcəklər.

AFFA- dan AZƏRTAC-a bildirmişlər ki, Mançesterdə olduqları müddətdə onlar İngiltərə Premyer Liqasının II turu çərçivəsində “Old Trafford” stadionunda keçiriləcək “Mançester Yunayted” - “Çelsi” oyununu izləyəcəklər.

“Mançester Yunayted” Yay Futbol Məktəbinin təlim-məşq toplanışında məşqçilər tərəfindən seçilmiş Nigar Mirzəliyeva avqustun 3-dən etibarən Mançester şəhərindəki Denston kollecində “Mançester Yunayted” Yay Futbol Məktəbindədir.