Tovuz rayonunda ev heyvanları və quşları arasında yoluxucu xəstəliklərə qarşı mütəmadi profilaktiki tədbirlər görülür
Tovuz, 4 may (AZƏRTAC).Tovuz Rayon Baytarlıq İdarəsindən AZƏRTAC-a bildirmişlər ki, mal-qara və ev quşları arasında yoluxucu xəstəliklərə qarşı mütəmadi olaraq profilaktiki tədbirlər görülür. Belə ki, brusellyoz xəstəliyinə görə seroloji (qan qruplarının tədqiqi) müayinə üçün 12 min 70 baş ev heyvanından qan nümunəsi götürülərək zona baytarlıq laboratoriyasında yoxlanılmış, altı baş iribuynuzlu heyvanın xəstə olduğu aşkarlanmışdır. Xəstəliyə yoluxmuş heyvanlar təlimata uyğun olaraq kəsilmişdir.
Bundan əlavə, vərəmə qarşı 4673 baş iribuynuzlu heyvan müayinə edilmiş, onlarda xəstəlik aşkar edilməmişdir. 42 min 22 baş iribuynuzlu mal-qara qara yara, 14736 baş iribuynuzlu mal-qara dabaq, 137 min 191 ev quşu isə “la-sota” xəstəliklərinə qarşı peyvənd olunmuşdur.
Bölmənin digər xəbərləri
