Tovuzda kənd təsərrüfatı məhsullarının satışı yarmarkası təşkil olunmuşdur
Tovuz, 4 mart (AZƏRTAC). Tovuz Rayon İcra Hakimiyyətindən AZƏRTAC-a bildirmişlər ki, Novruz bayramı ərəfəsində rayon əhalisinin ucuz kənd təsərrüfatı məhsullarına olan tələbatını ödəmək məqsədilə Bakı-Qazax magistral yolunun kənarında, Düz Cırdaxan kəndinin ərazisində satış yarmarkası təşkil olunmuşdur. Novruz bayramınadək hər çərşənbə davam edəcək yarmarkada kartof, soğan, tərəvəz, meyvə və ət məhsulları satılacaqdır. Kənd təsərrüfatı məhsullarının satışı yarmarkasında qiymətlər bazarla müqayisədə 25-30 faiz ücüz olacaqdır.
Bölmənin digər xəbərləri
