Türkiyə avtomobil daşıyan qapalı vaqonların istehsalına başlayıb
Ankara, 8 yanvar, AZƏRTAC
Türkiyə Lokomotiv və Mühərrik Sənayesi Anonim Şirkəti (TÜLOMSAŞ) avtomobil daşıyan qapalı vaqonların istehsalına başlayıb.
AZƏRTAC TÜLOMSAŞ-ın rəsmi saytına istinadla xəbər verir ki, Əskişəhərdə yerləşən zavodda düzəldilən qoşa vaqonlarda eskalatorlar, havatəmizləyici sistem və təhlükəsizlik üçün zəruri avadanlıq quraşdırılıb. Ən müasir yükləmə və boşaltma texnologiyası ilə təmin olunan vaqonlar mikroavtobuslar, kiçikhəcmli yük maşınları və minik avtomobillərinin daşınması üçün nəzərdə tutulub.
Avropa standartlarına uyğun istehsal olunan yeni vaqonlar dünya bazarında rəqabətədavamlı keyfiyyətə malikdir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
