TÜRKİYƏ VƏ AVSTRİYA PREZİDENTLƏRİ NABUKKO LAYİHƏSİNİ MÜZAKİRƏ ETMİŞLƏR
AZƏRTAC-ın xüsusi müxbiri xəbər verir ki, Türkiyədə səfərdə olan Avstriya Prezidenti Haynts Fişer mayın 20-də həmkarı Abdullah Gül ilə keçirdiyi görüşdə Nabukko layihəsini müzakirə etmişlər.
Görüşdən sonra keçirilən mətbuat konfransında Abdullah Gül bildirmişdir ki, Türkiyə Avropanın enerji körpüsünə çevrilmişdir. Rəsmi Ankara Azərbaycan və gələcəkdə digər bölgələrin də təbii qazını Avropa ölkələrinə çatdıracaq Nabukko layihəsinə böyük dəstək verir və boru kəmərinin çəkilməsi üçün səylərini davam etdirəcəkdir.
Avstriya Prezidenti də Nabukko layihəsinin təkcə onun ölkəsi üçün deyil, bütün Avropa üçün əhəmiyyətini vurğulamış, bu layihənin Avropa İttifaqının enerji təhlükəsizliyində mühüm amil olacağını söyləmişdir.
Prezidentlər terrorla mübarizə, Türkiyənin Avropa İttifaqına üzvlüyü məsələlərini də müzakirə etmişlər.
Bölmənin digər xəbərləri
