TÜRKİYƏ VƏTƏNDAŞLARI AZƏRBAYCAN ƏRAZİSİNDƏN VİZASIZ TRANZİT HÜQUQU ƏLDƏ ETMİŞLƏR
AZƏRTAC-ın xüsusi müxbiri xəbər verir ki, Türkiyənin dövlət naziri Said Yazıçıoğlu Azərbaycan-Türkiyə Hökumətlərarası Komissiyasının İstanbulda keçirilmiş 5-ci iclasının Yekun Protokolunu şərh edərkən vurğulamışdır ki, sənəddə Türkiyə vətəndaşlarının, xüsusilə üçüncü ölkələrə yük daşıyan sürücülərin Azərbaycan ərazisindən vizasız keçmək hüququ təsbit edilmişdir.
Said Yazıçıoğlu onu da əlavə etmişdir ki, yüksək sürətlə inkişaf edən Azərbaycan iqtisadiyyatı Türkiyədə məmnunluqla izlənir. Türkiyə hökuməti 2008-ci ildə Azərbaycan şirkətlərinin ölkəyə sərmayə axınını gücləndirmək üçün əlverişli şərait yaratmaq niyyətindədir.
Bölmənin digər xəbərləri
