Türkiyədə atom sahəsində istifadə olunan maddə ələ keçirilib
Ankara, 6 iyul, AZƏRTAC
Türkiyənin təhlükəsizlik qüvvələri Bolu şəhərində nüvə silahlarının başlıqlarının hazırlanmasında və atom elektrik stansiyalarında istifadə olunan kalifornium tərkibli maddə ələ keçirib.
AZƏRTAC yerli KİV-lərə istinadla xəbər verir ki, xüsusi qabda saxlanılan maddə bir avtomobildə aparılan axtarış zamanı aşkar olunub. Çəkisi 18,01 qram olan maddənin qiyməti təxminən 72 milyon ABŞ dollarıdır. Hadisə ilə bağlı başlanan istintaq nəticəsində 5 nəfər saxlanılıb. Türkiyə Atom Enerjisi Təşkilatı ələ keçirilən maddə ilə bağlı aparılan tədqiqatda iştirak edir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
