İstanbul, 28 dekabr (AZƏRTAC). Türkiyənin Antalya vilayətində yerli vaxtla saat 16.21-də Rixter cədvəli üzrə 6 bal gücündə zəlzələ olmuşdur. Boğaziçi Universiteti Kandilli rəsədxanasının məlumatına görə, yeraltı təkanların episentri Antalya körfəzində 11 kilometr dərinlikdə və sahildən 100 kilometr uzaqlıqda olduğu üçün hər hansı dağıntı və tələfata səbəb olmamışdır.

Zəlzələ Antalya şəhəri sakinləri arasında təşvişə səbəb olsa da, mütəxəssislər yeraltı təkanların gücünün azaldığını bildirmişlər.

Oqtay Bayramov

AZƏRTAC-ın xüsusi müxbiri

İstanbul