SİYASƏT
TÜRKİYƏNİN MİLLİ BAYRAMI ŞƏRƏFİNƏ
Azərbaycanın və Türkiyənin dövlət himnləri səsləndi.
Səfir Əhməd Ünal Çeviköz qəbulda çıxış edərək, Türkiyənin ötən 80 il ərzində əldə etdiyi uğurlardan danışdı. O, oktyabrın 15-də keçirilmiş seçkilərdə Baş nazir İlham Əliyevin Prezident seçilməsi münasibətilə xalqımızı və yeni Prezidenti təbrik etdi, bu seçkiləri Azərbaycanda demokratikləşmə prosesində mühüm addım, ölkənin tarixində ən şəffaf və yüksək fəallıqla müşayiət edilən seçki kimi qiymətləndirdi.
Türkiyə-Azərbaycan əlaqələrinə toxunan səfir Türkiyənin Dağlıq Qarabağ probleminin Azərbaycanın ərazi bütövlüyü çərçivəsində tezliklə həll edilməsi üçün bundan sonra da səylərini əsirgəməyəcəyini vurğuladı.
Azərbaycan Milli Məclisinin sədri Murtuz Ələsgərov çıxışında qardaş ölkənin milli bayramı münasibətilə Prezident Heydər Əliyevin və Baş nazir İlham Əliyevin təbriklərini, xoş arzularını çatdırdı. Parlamentin sədri vurğuladı ki, Azərbaycan müstəqilliyə qovuşduqdan sonra qarşılaşdığı bir çox problemlərin həllində Türkiyənin dəstəyini hər zaman hiss etmişdir.
Qəbulda Milli Məclis sədrinin, Baş nazirin müavinləri, nazirlər, komitə sədrləri, deputatlar, xarici ölkələrin Bakıdakı səfirləri, ictimaiyyətin nümayəndələri iştirak etmişdir.
Bölmənin digər xəbərləri
