Türkmənistan səfiri: Enerji ehtiyatlarının Azərbaycan və Türkiyə ərazisi ilə üçüncü ölkələrin bazarlarına nəqlinin artırılması imkanları qiymətləndirilir
Bakı, 18 iyun, AZƏRTAC
Türkmənistan və Azərbaycan enerji sektorunda çox sıx ticarət-iqtisadi əlaqələrə malikdirlər. Əməkdaşlığın möhkəmləndirilməsi və dövlətlərarası münasibətlərin perspektivləri, o cümlədən onların inkişaf yolları ilə bağlı daim konstruktiv fikir mübadiləsi aparılır.
AZƏRTAC xəbər verir ki, bu sözləri Azərbaycan ilə Türkmənistan arasında çoxşaxəli əməkdaşlıq mövzusunda Bakıda keçirilən simpoziumda çıxışı zamanı Türkmənistanın Azərbaycandakı səfiri Qurbanməmmet Elyasov deyib.
Səfir diqqətə çatdırıb ki, hazırda Türkmənistan müxtəlif istiqamətlər üzrə ixrac potensialını fəal şəkildə şaxələndirir. O cümlədən enerji ehtiyatlarının Xəzər dənizi vasitəsilə, Azərbaycan və Türkiyə ərazisi ilə üçüncü ölkələrin bazarlarına nəqlinin artırılması imkanları qiymətləndirilir.
O, Xəzər dənizinin dibi ilə Türkmənistan və Azərbaycan arasında fiber-optik kabelin çəkilməsi üçün texniki-iqtisadi əsaslandırmanın yaradılması üzrə ekspertlər səviyyəsində iş aparıldığını da bildirib: "Bu sahə həm də Cənubi Qafqaz, Yaxın Şərq, Mərkəzi Asiya və Cənubi Asiyada rəqəmsal xidmətlərin yaradılması üçün böyük əhəmiyyət kəsb edir".
Bölmənin digər xəbərləri
