TürkPA komissiyalarının Bişkekdə keçiriləcək 3-cü iclası ilə bağlı müzakirələr aparılmışdır
Bişkek, 14 aprel (AZƏRTAC). Qırğızıstan parlamenti - Joqorku Keneşin sədri Asılbek Jeenbekov Türkdilli Ölkələrin Parlament Assambleyasının (TürkPA) baş katibi Jandos Asanov ilə görüşmüşdür.
Görüşdə TürkPA-nın fəaliyyəti, aprelin 15-də qurumun beynəlxalq əlaqələr, sosial, mədəni və humanitar məsələlər üzrə komissiyalarının Bişkekdə keçiriləcək üçüncü iclasında müzakirə ediləcək məsələlər ətraflında fikir mübadiləsi aparılmışdır.
J.Asanov TürkPA-nın fəaliyyətinin gücləndirilməsi istiqamətindəki planlar haqqında məlumat vermişdir. O, həmçinin demişdir ki, TürkPA-nın təşkilatçılığı ilə bu ilin payızında Bişkekdə “Dövlətin həyatında qadınların rolu” mövzusunda forumun keçirilməsi nəzərdə tutulur.
Qulu Kəngərli
AZƏRTAC-ın xüsusi müxbiri
Biskek
Bölmənin digər xəbərləri
