UCARDA TAXIL BİÇİNİ KAMPANİYASI UĞURLA DAVAM ETDİRİLİR
Ucar, 19 iyun (AZƏRTAC). Ucar fermerləri əlverişsiz keçən hava şəraitinin törətdiyi çətinliklərə baxmayaraq, 11837 hektar sahədə taxıl yetişdirmişlər. Bir neçə gündür ki, taxılçılar biçin kampaniyasına başlamışlar.
Rayon icra hakimiyyəti başçısının aqrar məsələlər üzrə müavini Nurməmməd Tağıyevin verdiyi məlumata görə, hər gün zəmilərə 40-45 kombayn, 100-dən çox digər texnika çıxarılır. Artıq 5 min hektardan çox zəminin məhsulu biçilmişdir. Hər hektarın orta məhsuldarlığı 22 sentnerdir. Qazıqumlaq, Yuxarı Şilyan, Qaradağlı, Bərgüşad və digər kəndlərdə məhsuldarlıq daha yüksəkdir. Mütəxəssislər rayonda 25-26 min ton taxıl götürüləcəyini proqnozlaşdırırlar.
Bölmənin digər xəbərləri
