UFADA TÜRKSOY-UN NÖVBƏTİ İCLASI İŞƏ BAŞLAMIŞDIR
Mədəniyyət Nazirliyinin mətbuat xidmətindən AZƏRTAC-a bildirmişlər ki, Təşkilatın baş direktoru Polad Bülbüloğlu məclisi açmış, TÜRKSOY-un iclasının qonaqpərvər Ufa şəhərində ikinci dəfədir keçirildiyini bildirmişdir.
Forumda Rusiyanın, o cümlədən Tatarıstan, Tıva, Xakasiya və Altay respublikalarının, habelə Türkiyə və Qazaxıstanın mədəniyyət nazirliklərinin nümayəndələri təmsil olunacaqlar. İkigünlük toplantının iştirakçıları TÜRKSOY-un ötən iki ildəki fəaliyyətinə yekun vuracaq və gələn il üçün tədbirlər planını müzakirə edəcəklər.
Xatırladaq ki, türkdilli xalqların mədəniyyətinin qədim adət və ənənələrinin qorunub saxlanması ilə məşğul olan bu beynəlxalq qurum “TÜRKSOY-un yaradılması və fəaliyyətinin prinsipləri haqqında” 1993-cü il iyulun 12-də müqavilə imzalandıqdan sonra fəaliyyətə başlamışdır.
Ölkəmizin mədəniyyət naziri Polad Bülbüloğlu 1994-cü ildən TÜRKSOY-un üç dəfə baş direktoru seçilmişdir.
Bölmənin digər xəbərləri
