Ukrayna Çempionlar Liqasının final oyunundan 40 milyon dollara yaxın pul qazanacaq
Kiyev, 26 aprel, AZƏRTAC
Ukrayna büdcəsi Çempionlar Liqasının final oyunundan təxminən 1 milyard qriven (38,5 milyon dollar) qazanacaq.
AZƏRTAC xəbər verir ki, bu barədə Ukrayna Futbol Federasiyasının prezidenti Andrey Pavelko bildirib.
Onun sözlərinə görə, Ukrayna hökuməti isə Çempionlar Liqasının final oyunu üçün büdcədən 25 milyon qriven (1 milyon dollara yaxın) ayırıb.
Pavelko qeyd edib ki, Ukrayna UEFA qarşısında götürdüyü öhdəlikləri yerinə yetirib.
Xatırladaq ki, Çempionlar Liqasının final oyunu mayın 26-da Kiyevin “Olimpiya” stadionunda keçiriləcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
