Ukraynada prezident seçkilərini 850-dən çox xarici müşahidəçi izləyəcək
Kiyev, 28 yanvar, AZƏRTAC
Ukraynada keçiriləcək prezident seçkilərini 850-dən çox xarici müşahidəçinin izləyəcəyi gözlənilir.
AZƏRTAC xəbər verir ki, bu barədə Ukrayna Milli Polisinin sədri Sergey Knyazev məlumat verib.
Xarici müşahidəçilərin ən çox Kanadadan gələcəyi qeyd edilir. ABŞ-dan isə 100-150 müşahidəçinin gəlməsi barədə sorğu qəbul edilib. Artıq Mərkəzi Seçki Komissiyası 50-dən çox amerikalı müşahidəçini qeydə alıb.
Qeyd edək ki, Ukraynada prezident seçkiləri martın 31-də keçiriləcək. Artıq MSK 20 nəfərin prezidentliyə namizədliyini qeydə alıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
