UNEC-də Zəfər Günü qeyd olunub
Bakı, 2 noyabr, AZƏRTAC
Azərbaycan Dövlət İqtisad Universitetinin (UNEC) Biznes və menecment fakültəsində 8 Noyabr - Zəfər Gününə həsr olunan tədbir keçirilib.
Bu barədə AZƏRTAC-a universitetdən məlumat verilib.
Tədbirinin açılışında Azərbaycan Respublikasının Dövlət Himni səsləndirilib və şəhidlərin xatirəsi bir dəqiqəlik sükutla yad edilib.
Fakültənin dekanı dosent Mirağa Əhmədov 44 günlük Vətən müharibəsində Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə Ordumuzun qazandığı parlaq qələbədən söz açıb.
Fakültənin məzunu, Vətən müharibəsi qazisi Ağaəli Quliyev döyüş xatirələrindən bəhs edib.
Fakültənin I kurs tələbəsi Ziya Ağayev isə gənclərin vətənpərvərlik ruhunda yetişmələri üçün universitetdə keçirilən maarifləndirici tədbirlər barədə məlumat verib.
Tədbir konsert proqramı ilə davam edib.
Bölmənin digər xəbərləri
