MƏDƏNİYYƏT
Uşaq və yeniyetmə rəssamların rəsm sərgisi açılmışdır
Bakı, 1 may (AZƏRTAC). Bakı Rəsm Qalereyasında “Naxışlar da danışır” mövzusunda rəsm sərgisi açılmışdır.
AZƏRTAC xəbər verir ki, Azərbaycan Rəssamlar İttifaqı və “Esmeralda” uşaq və yeniyetmə rəsm studiyasının təşkilatçılığı ilə keçirilən sərginin açılışında bildirilmişdir ki, bu tədbir istedadlı gənc rəssamların yaradıcılıq fəaliyyətlərinin dəstəklənməsi, onların əsərlərinin geniş tamaşaçı auditoriyasına təqdim olunması istiqamətində atılan yeni uğurlu addımdır. Nümayiş olunan rəsmlərdə, dekorativ tətbiqi sənət nümunələrində daha çox milli naxış və ornamentlərdən istifadə olunmuşdur.
Sərgi iştirakçılarına diplomlar və hədiyyələr təqdim edilmişdir.
Üç gün davam edəcək sərgidə 25 uşaq və yeniyetmə rəssamın 40 əsəri nümayiş etdirilir.
Bölmənin digər xəbərləri
