Üzərində narkotik vasitə aşkarlanan şəxslərlə bağlı araşdırma aparılır
Bakı, 29 yanvar, AZƏRTAC
Sumqayıt Şəhər Polis İdarəsinin əməkdaşları əldə edilmiş məlumat əsasında keçirdikləri əməliyyat tədbirləri ilə üzərində qanunsuz olaraq narkotik vasitə daşımaqda şübhəli bilinən şəhər sakini E.Həsənovu saxlayıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, axtarış zamanı ondan 470 qram marixuana aşkarlanıb.
Pirallahı Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat tədbirləri nəticəsində saxlanılan Bakı sakini, əvvəllər məhkum olunmuş İ.Şərifovdan 485 qram marixuana aşkar edilib.
Yevlax Rayon Polis Şöbəsinin əməkdaşları isə keçirdikləri əməliyyat tədbirləri nəticəsində saxlanılan Marzılı kənd sakini A.Musayevdən 135 qrama yaxın marixuana aşkarlayaraq götürüblər.
Hər üç faktla bağlı araşdırma aparılır.
Bölmənin digər xəbərləri
