SİYASƏT
Vahid Sen Martin Assosiasiyasının gənc üzvü: Bakı Təşəbbüs Qrupu müstəmləkəçilik siyasətini ifşa etməklə bizə böyük dəstək verir
Bakı, 6 dekabr, AZƏRTAC
Müstəmləkəçilik siyasəti Sen Martin gənclərinin inkişafına ciddi maneələr törədir. Gənclərimiz Fransaya və Niderlanda gedərək, o ölkələrin inkişafına töhfə verirlər, halbuki öz vətənlərinə qayıdanda burada yaxşı iş tapa bilmirlər və beləliklə ölkələrinə töhfə verə bilmirlər.
Bu sözləri AZƏRTAC-a açıqlamasında Vahid Sen Martin Assosiasiyasının gənc üzvü xanım Yadiska Van Putten deyib.
"Bakı Təşəbbüs Qrupu müstəmləkəçilik siyasətini ifşa etməklə bizə böyük dəstək verir. Böyük təşkilat olan Bakı Təşəbbüs Qrupu bizim həqiqətləri daha çox insana çatdırır ki, müstəqillik yolumuzda uğur qazana bilək", - deyə o vurğulayıb.